طالب المحامي الحقوقي، مالك عدلي، بمحاكمة الإعلاميين والشخصيات العامة التي تنتهك الخصوصيات والحياة الشخصية وتنش تسجيلات صوتية لنشطاء وسياسيين وفيديوهات وصور فاضحة دون دليل.
جاء ذلك في مداخلة طويلة له مساء أمس الثلاثاء، في برنامج العاشرة مساءا" الذي يقدمه الإعلامي وائل الإبراشي، فيما كان ضيفا الحلقة هما المحامي سمير صبري، واللواء مجدي البسيوني مساعد وزير الداخلية الأسبق.
وقال عادلى، "كويس أنك عارف الببى دول وكويس ان محدش بيقول انك بتخدش حياء الموطنين على الهواء، وأنا عاوز أدى فكرة للسادة المشاهدين أن أبنتى طفله رضيعه عندها سنتين واسمها بهيه على اسم مصر، وبنته جميلة وبتضحك ولطيفة وأد الدنيا كلها، فلو الناس دى عينهم من بنتى ياريت تقولى، علشان ننهى الموضوع، لاننى لا أقبل اساءة لابنتى بهذا الشكل، ابنتى لو شخصية بالغة وتتحكم فى افعالها وعلى علم هى عاوزه ايه وبتعمل ايه، ساعتها أنا معنديش إى ازمة ان بنتى تعمل اللّى هى عاوزها لاننى راجل حر، ولمه هربى ابنتى هربيها على الحرية، ومش همشيها جنب الحيط اللّى هى عاوزه تعمله مدام بتحترم القانون، وحتى لو خلفت القانون فالبلد فيها محاكم تروح تحاكمها وتأخد حقها منها، انما ان الناس تبداء تتعرض ليا بشكل شخصى".
وعلق عادلى، "وحضرتك مستضفنى بعتبر إنى محامى عندى رأي قانونى مختلف للمحامى سمير صبرى واللواء مجدى بسيونى وللقيم هذا المجتمع العظيم الذى لا يوجد لديه أزمة ان ناس تهتك أعراض، وناس تبث مكالمة خاصه، وناس تذيع صور جنسية، وناس تسب الدين على الهواء، وناس تسب الدين فى محافل عامة، خالص أنتم مجتمع متدين ومحترم، والشبابان دول لازم نجيبهم ونعلقهم ونشنقهم، المجتمع الذى يقبل بسب الدين وانتهاك الاعراض وبث المكالمات الخاصة للمواطنين على الهواء هذا مجتمع أخلاق، انتم بتحاكموا مين.. حكموا نفسكم".
وأوضح عادلى أن الشعار الذى ارفعه "فليكن الجميع تحت مظلة القانون"، مضيفًا أن "احنا عندنا قاضى يا أستاذ وائل رئيس محاكمة جنايات طلع فى تسجيل صوتى قال ثورة يناير بنت ستين كلب، ده لو اتحكم مفيش بنى أدام هيقول لفظ غلط، كما أن يوجد محامى شهير وبيُقال عنه مستشار ونائب الأن فى مجلس الشعب طلع فى التليفزيون وقال ابن دين ومتين وحاجات بالشكل ده لو اتحكم محدش هيطلع يقول لفظ غلط، ويوجد عندنا اعلامى شهير وأيضا نائبًا فى مجلس الشعب الأن انتهاك حياة المواطنين الخاصة وبث مكالمتهم الخاصة ومتحكمش، وعندنا برضه اعلامى شهير طلع بث صور جنسية لمخرج شهير وأيضًا نائب فى مجلس الشعب لو اتحكم كانت الناس هتعارف الصح من الغلط".
وهاجم عادلى كبار المجتمع قائلاً: "حضرتك كبار هذا المجتمع ومسنيه والجيل الذى سابقنا لم يتعلموا الادب، ويبقوا عارفين الفرق بين الحياة الخاصة وبين الحياة اللّى مش خاصة، وعارفين ما هى الحدود التى يجب تجاوزها والتى لا يجب تجاوزها، ويبقوا عارفين يعنى ايه دولة قانون، تبقى العيال الصغيرة الذين عندهم 20 سنه هى كمان تتعلم يعنى ايه دولة قانون، انما موقف حضرتك من الدولة واسلوب الوسطه دى مش مواقف أخلاقية يا أستاذ وائل، والعيال دى متتحكمش ولا تتجلد ومينفعش يتم التكيل بيه بالشكل ده على الهواء وهم أصلاً جريمتهم كله جنحه".